Fursa za Masomo kwa Ngazi ya Astashahada, Stashahada, VETA na Shahada
The Bilal Muslim Mission of Tanzania inawatangazia wanafunzi na vijana wenye sifa kwamba dirisha la maombi ya ufadhili wa masomo kwa mwaka wa masomo 2026–2027 limefunguliwa. Na litafungwa Tarehe 01 November 2026.
Ufadhili huu unalenga kuwawezesha wanafunzi wenye uwezo na sifa zinazohitajika kupata fursa ya kuendelea na elimu katika taasisi za elimu ya juu na mafunzo ya ufundi nchini Tanzania.
NGAZI ZA MASOMO ZINAZOHUSIKA
Ufadhili unatolewa kwa wanafunzi wanaotaka kusoma katika ngazi zifuatazo:
1. ASTASHAHADA (CERTIFICATE)
Fursa hii inawahusu wanafunzi wanaotaka kujiunga na programu za ngazi ya Astashahada (Certificate) katika kozi mbalimbali zinazotambuliwa.
[PAKUA FOMU YA MAOMBI – ASTASHAHADA]
2. STASHAHADA (DIPLOMA)
Wanafunzi wenye sifa za kujiunga na programu za Stashahada (Diploma) katika kozi mbalimbali wanaweza kuomba ufadhili kupitia dirisha hili.
[PAKUA FOMU YA MAOMBI – STASHAHADA]
3. VETA – MAFUNZO YA UFUNDI
Ufadhili pia unatolewa kwa wanafunzi wanaotaka kujiunga na mafunzo ya ufundi na stadi mbalimbali kupitia taasisi za VETA.
Fursa hii inalenga kuwawezesha vijana kupata ujuzi na maarifa yatakayowawezesha kujiajiri, kuajiriwa na kushiriki kikamilifu katika maendeleo ya jamii.
4. SHAHADA (BACHELOR DEGREE)
Wanafunzi wenye sifa za kujiunga na masomo ya Shahada ya Kwanza (Bachelor Degree) katika kozi mbalimbali wanakaribishwa kuomba ufadhili.
[PAKUA FOMU YA MAOMBI – SHAHADA]
KOZI ZINAZOHUSIKA
Ufadhili unapatikana kwa kozi zote, kulingana na sifa za mwombaji, vigezo vya taasisi husika na masharti ya programu ya ufadhili.
Waombaji wanashauriwa kusoma kwa makini maelekezo yaliyopo kwenye fomu husika kabla ya kujaza na kuwasilisha maombi yao.
JINSI YA KUOMBA
Waombaji wanatakiwa:
- Kuchagua ngazi ya masomo wanayoomba.
- Kupakua fomu husika kupitia kiungo kilichotolewa hapo juu.
- Kujaza fomu kwa usahihi na kukamilisha taarifa zote zinazohitajika.
- Kuambatanisha nyaraka zote muhimu kwa mujibu wa maelekezo ya fomu.
- Kuwasilisha maombi kwa kufuata utaratibu ulioainishwa kwenye fomu ya maombi.
MAWASILIANO
Kwa maelezo zaidi kuhusu ufadhili wa masomo 2026–2027, upatikanaji wa fomu, sifa za waombaji au utaratibu wa kuwasilisha maombi, tafadhali wasiliana nasi kupitia:
The Bilal Muslim Mission of Tanzania
Simu: 0745 111 150
Waombaji wanashauriwa kutumia mawasiliano hayo kwa maswali na ufafanuzi kuhusu mpango huu wa ufadhili.
MUHIMU KWA WAOMBAJI
Waombaji wanashauriwa kuhakikisha kwamba:
- Wana sifa zinazohitajika kwa ngazi ya masomo wanayoomba.
- Taarifa zote zinazotolewa katika fomu ni sahihi na za kweli.
- Nyaraka zote zinazohitajika zimeambatanishwa.
- Fomu inawasilishwa ndani ya muda uliowekwa.
- Kusoma na kufuata kwa makini maelekezo yote yaliyopo kwenye fomu ya maombi.